Anna ('o tiempo nun esiste) 

Parole e musica di Fabio Amazzini

Anna conta 'e stelle da quanno è nata
Anna nun dà retta a ll'ate,
sola dint' 'e juorne semp' eguale
"comme ajere" dice a chi 'lle chiede comme sta.

Anna 'ncuoll 'a croce 'e doje famiglie
Anna 'a prima 'e quattro figlie
'e suonne chiuse dint' a nu cassetto,
Anna aspetta 'o canto d' 'e sirene,
o' sole e a libertà… l' addore 'e mare

E mò che 'o cielo lentamente stuta a luce
e o'sole chiano chiano se ne trase
'lle pare ancora 'e sentere 'na voce:

" 'O tiempo, 'o tiempo è un'illusione e nun esiste",
è sulo 'a fantasia 'e chi conta ll' ore,
di chi nun dorme 'a notte quanno chiove…
di chi nasce e chi more.

Anna 'o saje che sulo si ce penso
io me perdo dint' 'o silenzio,
riscrivo i versi in rima e quanno è sera,
i pensieri s'astregneno come 'na corda all'anema
e nun 'a lassano chiù…

E mò che a vita a guard' sulo d'a fenesta
te passa annanz' a ll'uocchie e niente resta,
me pare ancora 'e sentere na voce:

"Pe' sempre, pe' sempre è un'illusione e nun esiste",
è sulo 'a fantasia che poi te passa
e che nun abbasta…che nun abbasta cchiù.

" 'O tiempo, 'o tiempo è un'illusione e nun esiste",
è sulo 'a fantasia' 'e chi conta ll' ore,
di chi nun dorme 'a notte quanno chiove…
quanno chiove…
quanno chiove.