Da Luntano

Parole e musica di Fabio Amazzini

Si chello che 'o mare racconta,
'o cielo azzurro 'n miez' 'e fronne,
'o sole areto a 'na fenesta, malincunia…
è tutto chello ca me resta.

'O friddo 'ncuollo, a pelle annura,
'na voce 'e notte , 'e suonne de criature,
lacreme doce comm' 'o mmele,
tramunte russe 'e primmavera.

E se ne va
'o suonno e 'a voce scumpare,
mentre saglie forte 'a voglia e te vedè
e sento già nu suono doce che trase
comme 'o sole 'e 'n ato juorno senza 'e te.

Si 'a pecundria 'e chi ,da luntano,
astregne 'o bene 'n mieze 'e mane,
aneme 'nfrose dall'acqua 'e mare,
si 'a verità che dinto a 'n attimo scumpare.

'O friddo 'ncuollo, 'a pelle annura,
si preta 'e stelle, sudore e sangue 'n faccia 'o muro,
silenzi fridde comme 'a neve,
si addore 'e sciure a primavera

E se ne va
'o suonno e 'a voce scumpare
mentre saglie forte 'a voglia e te vedè
e sento già nu suono doce che trase
comme 'o sole e 'n ato juorno senza 'e te.

E se ne va
'o suonno e 'a voce scumpare
mentre è assaje cchiù forte 'a voglia e te vedè
e sento già nu suono doce che trase
comme 'o sole 'e 'n ato juorno senza 'e te…
'o sole…'o sole 'e 'n ato juorno senza 'e te...
'o sole…'o sole 'e 'n ato juorno senza 'e te...