E' sulo 'o viento

Parole e musica di Fabio Amazzini

Mentre corro areto a nu' pensiero che me fa paura
è doce stu ricordo che accarezza 'e mane e 'o core.

Rido e sento a pioggia 'ncoppo 'a faccia e dinto all'uocchie 'o sole
che ogni juorno, sempe, torn' a nascere e ogni juorno more.

Tremmano 'e parole, tremmano 'e pensiere quanno s' annasconne 'a sera, 
tremma chesta luna ca buciarda, dint' 'o scuro, dice "nun è overo", 
tremma, chesta terra tremma ma si m'astrigne tu me sento cchiù o'sicuro,
no, nun è niente, no, nun fa niente…è sulo 'o viento…'o viento.

E pe' raccuntà 'sta notte nun abbastano 'e parole
e ogni cosa ca vulesse dicere s' a porta 'o mare,
perché a 'vote, 'o saje, 'o dulore è forte e me cummoglia 'a voce,
è 'na smania ca nun me dà cchiù pace…è fuoco che m'abbrucia.

Tremmano 'e parole, tremmano 'e pensiere quanno s' annasconne 'a sera,
tremma chesta luna ca buciarda, dint' 'o scuro, dice "nun è overo", 
tremma, chesta terra tremma ma si m'astrigne tu me sento cchiù o'sicuro,
no, nun è niente, no, nun fa niente…è sulo 'o viento…'o siente...

...tremma, chesta terra tremma ma si poi chiudo l'uocchie se ferma 'o tiempo,
niente, niente…è sulo 'o viento…'o viento...

Tremmano 'e parole, tremmano 'e pensiere quanno s' annasconne 'a sera, 
tremma chesta luna ca buciarda, dint' 'o scuro, dice "nun è overo", 
tremma, chesta terra tremma ma si m'astrigne tu me sento cchiù o' sicuro,
no, nun è niente, no, nun fa niente…è sulo 'o viento.