Quanno nun trovo 'e pparole

Parole e musica di Fabio Amazzini

Si putesse capì,
si se putesse sentì
chello che succede dinto
addò vene chisto dulore
quanno nun trovo 'e parole
addò nasce chisto turmiento.

Si putesse guardà
'o munno senza vedè
'o male ca s'annasconne
fosse sultanto pe 'n'ora
'o tiempo 'e dicere 'o core
"io sulo senza 'e te moro"

Cammino sulo dint' 'o scuro
mentre forte m'astregno dint' 'e mmane 'o curaggio e 'a paura,
e resto sulo dint' 'o scuro, aspettanno che 'o suonno me porta luntano e 'na mano m'accarezza 'a capa
… comme quanno ero creaturo.

E va … e si può torna a nascere
si, tu va, io mò nun voglio crescere.

L'ultima parola scritta
primm' 'e fa pace co 'a vita,
è comme lacrime o viento,
"io vulesse truvà pace
ma na pace senza morte …"
si chiudo l'uocchie te sento.

Cammino sulo dinto 'o scuro
mentre forte m'astregno dinto 'e bbraccia 'o curaggio 'a paura,
e resto sulo dinto 'o scuro
aspettanno che 'a notte me port' luntano e 'na mano m'accarezza 'a capa
mò ca nun so' cchiù creaturo.

E va … e si può torna a nascere
Si, tu va, io mò nun voglio crescere
E va … e si vuò torna a nascere
Si, tu va …va.